အဆင့်မြင့် ပညာဦးစီးဌာန လုပ်ငန်းညှိနှိုင်း အစည်းအဝေးကျင်းပ

ပညာရေးဝန်ကြီးဌာန၊ အဆင့်မြင့်ပညာစီးဌာန၊
တက္ကသိုလ်များ၊ ဒီဂရီကောလိပ်များ၊ ကောလိပ်များ၏
လုပ်ငန်းညှိနှိုင်း အစည်းအဝေးကို မေလ (၂၃) ရက် နံနက် ၉ နာရီတွင် ပညာရေးဝန်ကြီးဌာန ရုံးအမှတ် (၂၁)ရှိ အစည်းအဝေးခန်းမ၌
ကျင်းပပြုလုပ်ရာ ပညာရေးဝန်ကြီးဌာန၊ ပြည်ထောင်စုဝန်ကြီး
ဒေါက်တာမျိုးသိမ်းကြီး တက်ရောက် အဖွင့်အမှာစကား
ပြောကြားသည်။
ပြည်ထောင်စုဝန်ကြီး ဒေါက်တာမျိုးသိမ်းကြီးက အဖွင့်အမှာစကား ပြောကြားရာတွင် အဆင့်မြင့်ပညာဦးစီးဌာန၌ ဝိဇ္ဇာ၊ သိပ္ပံဘာသာရပ်သင်တက္ကသိုလ်၊ ဒီဂရီကောလိပ်၊ ကောလိပ်များ၊ နည်းပညာနှင့် ကွန်ပျုတာတက္ကသိုလ်များနှင့် ပညာရေးကောလိပ်များတို့ ပါဝင်ပြီး တက္ကသိုလ်၊ ဒီဂရီကောလိပ်၊ ကောလိပ်ပေါင်း (၁၃၄) ကျောင်းရှိပါကြောင်း၊ ယခု ၂၀၁၇-၂၀၁၈ ပညာသင်နှစ်တွင် ကျောင်းသား၊ ကျောင်းသူ သင်တန်းသားပေါင်း (၆၀၉၁၁၄)ဦး၊ ဆရာ၊ ဆရာမဝန်ထမ်းပေါင်း (၃၇၁၄၉) ဦးရှိ ပါကြောင်း။
နိုင်ငံတော်သမ္မတကြီးက အဆင့်မြင့်ပညာကဏ္ဍတွင် သင်ယူမှုအခွင့်အလမ်း များ ပိုမိုရရှိ လာစေရန်နှင့် ဆင်းရဲနွမ်းပါးသော မိသားစုများ၊ ဝင်ငွေနည်းသော မိသားစုများကို ပညာသင် ထောက်ပံ့ကြေး ဆောင်ရွက်ပေးနိုင်ရန် မိန့်ကြားခဲ့ပါကြောင်း၊ ကောလိပ်များကို ဒီဂရီကောလိပ် အဆင့်၊ ဒီဂရီကောလိပ်များကို တက္ကသိုလ်အဆင့်တိုးမြှင့် ဆောင်ရွက် သွားရန်နှင့် လိုအပ်ချက် ရှိသော ဒေသများတွင် ကောလိပ်အသစ်များ ဖွင့်လှစ်သွားရန် ကြိုးစားဆောင်ရွက်ကြရမည် ဖြစ်ပါ ကြောင်း၊ အဆင့်မြင့်ပညာကဏ္ဍဖွံ့ဖြိုး တိုးတက်ရန်အတွက် ပါမောက္ခချုပ်၊ ဒုတိယပါမောက္ခချုပ်၊ ကျောင်းအုပ် ကြီးများ၏ စီမံခန့်ခွဲမှု စွမ်းရည်၊ ဦးဆောင်နိုင်မှုစွမ်းရည်များက အရေးကြီးပါကြောင်း။

တက္ကသိုလ်ဝင်ခွင့်ရသူများ စာရင်းကို ပညာရေးဝန်ကြီးဌာန Website: www.moe.gov.mm မှ အသိပေးထုတ်ပြန်
ဆောင်ရွက်သွားလျက်ရှိပြီး
ပထမနှစ် ကျောင်းသား ကျောင်းသူများအား နိုဝင်ဘာလလယ်မှစ၍
ကျောင်းအပ်လက်ခံခြင်းကို ဆောင်ရွက်သွားမည် ဖြစ်ပါကြောင်း၊

၂၀၁၉ ခုနှစ်၊ တက္ကသိုလ်ဝင်စာမေးပွဲ မေးခွန်းများကို စဉ်းစားတွေးခေါ်မှု အားပေးသော မေးခွန်းများ ပိုမိုပါဝင်လာစေရန် စီစဉ်ဆောင်ရွက်ထားပါကြောင်း၊ (၂) နှစ်သင် ပညာရေးကောလိပ်များကို (၄)နှစ်သင် ပညာရေးဒီဂရီ ကောလိပ်များအဖြစ်သို့ အဆင့်မြှင့်တင်ရန် စီစဉ်ဆောင်ရွက် နေပါကြောင်း၊ ဝန်ထမ်း စွမ်းရည်မြင့်မားရေးအတွက် ဌာနအတွင်း စီမံခန့်ခွဲရေး မွန်းမံသင်တန်းများကို ဆောင်ရွက်ပေးရန်လိုအပ်ပါကြောင်း၊ ရာထူးတိုး၊ ရာထူးပြောင်း ကိစ္စရပ်များကို အများစုသဘောတူသော စံသတ်မှတ်ချက် မူများနှင့်အညီ ပွင့်လင်းမြင်သာစွာ တန်းစီဇယားနှင့် အမိန့်ကြော်ငြာစာများကို ပညာရေးဝန်ကြီးဌာန Website တွင်ဖော်ပြ ဆောင်ရွက်လျက်ရှိပါကြောင်း၊ စာသင်ဆောင်၊ ကျောင်းသား ကျောင်းသူအိပ်ဆောင်၊ စာကြည့်တိုက်၊ ဆရာ ဆရာမများ ဝန်ထမ်းအိမ်ရာ ဆောက်လုပ်ခြင်း ပြင်ဆင်ခြင်း ဖြည့်ဆည်း ဆောင်ရွက်ခြင်းတို့ကို တိုင်းဒေသကြီး၊ ပြည်နယ်အစိုးရအဖွဲ့များနှင့် ပူးပေါင်းဆောင်ရွက် ကြရမည်ဖြစ်ပါကြောင်း။
ယခုနှစ် ဒီဇင်ဘာလတွင် ကျင်းပမည့် (၁၉)ကြိမ်မြောက် အရှေ့တောင်အာရှ တက္ကသိုလ်များ အားကစားပြိုင်ပွဲကို အိမ်ရှင်အဖြစ် မြန်မာနိုင်ငံတွင် လက်ခံကျင်းပမည်ဖြစ်ရာ အားလုံးညီညီ ညွတ်ညွတ် ပူးပေါင်းဆောင်ရွက် ကြရမည်ဖြစ်ပါကြောင်း၊